Skip to main content

News

Turnai a casa cun in punct

La dumengia dils 16.2.2020 ha l’equipa dils umens dils desertina bulls absolviu lur tschunavla runda da campiunadi da quella sesiun. Cun exact diesch giugadurs e dus golis ein ils da Mustér serendi a Tuggen. En igl emprem giug han els recaltgau in punct cun giugar in 2:2 encunter Bazenheid. En il secund giug ein els buca vegni da tener cun cun il tempo dalla equipa da Herisau ed han aschia spiars cun 8:4.

In giug cunplitost pauc tempo

Ils Desertina bulls savevan gia ordavon che il club da Bazenheid seigi enqual plazs davon els en la tabella, denton han ei buca schau irritar da quei. Aschia ha Cedric Zanin gia tuccau en la tiarza minuta il gol dils adversaris. Silsuenter han ils arbiters interrut stediamein il giug aschia che negina equipa ei proppi vegnida da far tempo. Denton ha igl adversari marcau treis minutas pli tard igl 1:1. Ils desertina bulls ein buca vegnir da giugar igl unihockey ch’ei han tranau ed aschia va Bazenheid en avantatg ella otgavla minuta. Silsuenter prendan ils da Mustér aunc in tup castitg, denton vegnan ei da defender bein l’atgna zona e Bazenheid sa buca nazegiar quei. En la 16’avla minuta sa Severino Giger marcar il 2:2 suenter ina biala cumbinaziun da sia lingia. En la secunda mesadad eis ei lu buca schabegiau bia pli. Ei ha aunc dau in castitg da duas minutas per vart, denton ha negin saviu profitar da quei, era grazia a nies bien goli Fabio Deragisch.

Giugau mo la mesadat dil giug

Il secund giug han ils Desertina bulls giu da dar encunter Herisau, ils quals che meinan momentan la tabella en quella ligia. Tochen en la siatavla minuta han omisduas equipas giu da palpar giu intec igl adversari amirar tgei ch’ei po valer, negin ha proppi ughegiau zatgei. Lu ei igl adversari denton ius en avantatg. Denton ha Gian Fankhauser saviu reagar gest suenter sin quei ed ha marcau igl 1:1. En l 11’avla minuta san ils Desertina Bulls perfin ira en avantatg suenter in culp liber grazia a Dario Schuoler. Alura ein ils da Mustér stai surdumandai cun la situaziun ch’ei eran en avantatg ed han schau il goli Marco Manetsch persuls, aschia ch’ei steva suenter 30 minutas 7:2 per ils da Herisau. Joey Manetsch ei en la 18’avla minuta vegnius en dil baun da castitg ed ha gest saviu far bien siu castitg cun sittar in gol. Pauc suenter ha Andreas Huonder aunc saviu profitar dat in conter ed ha schau veser ora vegls il goli dils adversaris. Denton ils da Herisau ein aunc vegni da purtar inaga la bala da gol en dils Desertina bulls avon che la sirena tuna aschia ch’ei steva il davos 8:4 per ils leaders dalla tabella.

Si Mustér vegn ei ussa tranau vinavon perquei ch’ei va gia ils 1.3.2020 vinavon a Herisau cun la proxima runda da campiunadi.

Ils Desertina Bulls cun: Marco Manetsch, Fabio Deragisch, Andreas Huonder, Luca Zanetti, Yannick Flepp, Dario Schuoler, Danilo Giger, Gian Fankhauser, Cedric Zanin, Severino Giger, Sergio Sac ed Joey Manetsch

Per ils Desertina Bulls : Danilo Giger