Skip to main content

Turnier da notg 2017

Annunzia

  1. Categoria

Informaziuns

Liug: Center da sport, Mustér

Datum: 16.12.2017

Entschatta: ca. 17:00

Categorias: damas, umens, niev: seniors

Tier la categoria «seniors» astgan mo dus giugadurs esser pli giuvens che 35 onns.
Bei der Kategorie «seniors» dürfen nur zwei Spieler jünger als 35 Jahre sein.

 

Giugadurs: min. 3 plus goli

Licenzas:

  • Umens, seniors: max. 2 giugadurs licenziai
  • Damas: max. 3 giugaduras licenziadas

Cuosts: 70.- per equipa

Termin d'annunzia: 19.11.2017

Turnier da notg 2016

In success cumplein

La sonda vargada ha il turnier da notg dils Desertina Bulls giu liug el center da sport e cultura a Mustér. Damai ch‘ina equipa d’umens ha stuiu dar giu muort blessuras han uonn exact 30 equipas priu part al turnier (diesch da damas e 20 d’umens). Quei ei idealas cefras per far in plan da giug ed aschia han tut ils participonts saviu dar minimum quater giugs. Sco mintg‘onn eran massa fastschas enconuschentas dalla partida. Quei ha era menau tier la buna atmosfera duront las pausas ed era duront ils giugs. Era ils aspecaturs ein semussai en gronda cefra e han schau plascher ils giugs sin ault nivel. Tier ils umens ei l’equipa cul num « Afraskai kukuh» semessa atras el final, tier las damas l’equipa «Tripolis». Era uonn ha Dominic Venzin dil sponsur principal Menzli Sport nazzegiau il turnier sco plattafuorma. Ils participonts han giu la pusseivladad d’empruar ora material e renovar igl inventari d’unihoc.

Per ils Desertina Bulls, che organiseschan gia dapi varga 15 onns il turnier da notg, ei quella sera plaunet ina caussa da rutina, e quei el meglier senn dil plaid. Tut ils commembers enconuschan sias lavurs e meinan ils participonts fetg bein atras il turnier. Las damas meinan l’ustria ed ils umens schulan ils giugs e brassan las ligiongias, quei ch‘ei secumprovau els davos onns. Schegie ch’ils organisaturs han empustau uonn dapli ligiongias ch’igl onn vargau, ein mo diesch servelas restadas. Era tier la gervosa ei l’empustaziun vegnida engrondida ed era lezza era beinspert vendida ora. Cun ina sperta acziun ein ils hosps denton vegni provedi cun refurniment.

Il facit dil turnier: neginas blessuras, interessants giugs, fatschas rientas l’entira sera, detg cuort: in success cumplein.

Per ils Desertina Bulls, Flavio Steger